fimmtudagur, 9. september 2010

Svavar og Icesave

Svavar Gestsson gefst ekki upp í baráttu sinni fyrir Icesave samningnum sínum. Karlinn er pikkfastur í tíma sem er liðinn og missti af fjörinu öllu þegar þjóðin hafnaði klúðrinu hans eftirminnilega og afgerandi. Svavar veit greinilega ekkert hvar víglínan í þessari baráttu liggur núna og þusar bara um gamla tíð.

það sem er auðvitað verst í þessu er að gamli allaballinn á sér dygga stuðningsmenn í ríkisstjórninni. Ef eitthvað er að marka félaga Svavar er þetta fólk enn sannfært um að Icesave samningurinn sér stórsigur.

Hvað þarf til að opna augu þessa fólks?

Röggi

3 ummæli:

Nafnlaus sagði...

Uppreisn.

Byltingu.

En friðsamlega.

Ekki byltingu eins og Svavar og hans félaga dreymdi um þegar hann var í "námi" í Alþýðulýðveldinu.

Nú hræðist hann fólkið sem hann þóttist áður vinna fyrir.

Og er orðinn ofurlaunamaður á framfæri skattgreiðenda.

Tíminn breytist en óheilindin ekki.

Nafnlaus sagði...

svavarssamningurinn er sá besti sem við höfum gert hingað til.
í honum er m.a. ákvæði um að við megum borga hann upp ef við fáum lán á betri kjörum annarstaðar.

ég er ekki að segja að hann sé "góður" eða "slæmur". það er hinsvegar staðreynd að samningsaðilar voru tilbúinir í að samþykkja.

kannski fáum við betri samning. kannski ekki. kannski töpum við málinu fyrir dómstólum og lendum í miklu verri aðstöðu. kannski.

eina sem er í hendi í dag, er að þetta var skásti samningur sem við höfum náð enn sem komið er

Nafnlaus sagði...

Það verður alveg sama hvernig fer í Iceavemálinu. Íslendingar munu aldrei viðurkenna að þeir hafi tapað. Hvorki ærunni né peningunum. Þeir eru einsog riddarinn hugumstóri sem hikaði ekki við að gera árás á vindmyllur. Annar frækinn riddari í Monthy Python kvikmynd barðist þar til búið var að höggva af honum alla útlimi, samt hætti hann ekki að rífa kjaft á meðan blóðið spýttist í allar áttir. Þessi þjóð er sætust. Það er ekki hægt annað en að elska okkur.