fimmtudagur, 11. september 2008

Amatörismi hjá rúv.

Horfið á landsleikinn við Skotland í gær. Get vart orða bundist því starfsmenn íþróttadeildar rúv allt að þvi eyðilögðu leikinn. Þeir lýstu nær eingöngu störfum dómarans og ég leyfi mér að fullyrða að leitun sé að sjónvarpsstöð sem býður upp á svona amatörisma.

Getur verið að rúv ætli að bjóða upp á það í framtíðinni að menn hagi sér svona? Spjallið sem þeir Snorri og Þórhallur Dan áttu yfir leiknum hefði verið fínt á knæpu í góðra vina hópi.

Við vorum búin að koma okkur upp fyrirfram skoðun á þessum dómara og það skein í gegn. Að mínu mati var hann ekkert sérstakur í leiknum en stóru ákvarðanirnar var hann með kórréttar.

Ekki er mjög langt síðan starfsmaður íþróttadeildar rúv viðhafði fáránleg ummæli um bandarískan spretthlaupara þar sem honum tókst í einni setningu að svívirða bæði samkynhneigða og svarta.

Er þetta að verða munstur? Hef fulla trú á ritstjóra íþróttadeildar rúv og er þess fullviss að hann snýr við blaðinu í þessum efnum. Annars er hætt við að sú virðing sem menn eins og Bjarni Fel byggðu upp áratugum saman gufi upp á skömmum tíma.

Röggi.

2 ummæli:

Johnny Bravo sagði...

Hefurðu horft á landsliðið í handbolta?

Það er nú langverst en það er nú kannski af því að það kann enginn reglurnar í þeirri "íþrótt"...og hvað þá dómararnir...

Steini sagði...

Johnny bravo: Málið er að í handboltanum þá er þetta meira svona "HA? Hvað er dómarinn að pæla, þetta var brot/lína/leiktöf..." á augnablikinu sem atvikin gerast, meðan að í lýsingunni í gær, þá tuðuðu lýsendurnir heila og hálfa leikinn um dómarana og sögðu ekki spurningu vera að hér væri á ferð versti dómari sem hægt væri að finna o.s.frv. Ég hef allavega ekki hingað til orðið vitni að svona lýsingu áður í íslensku sjónvarpi.