Jón Steinsson skrifar reglubundið frábærar greinar um Íslenskt viðskiptalíf í moggann. Í gær varaði hann okkur við því að láta menn komast upp með þær æfingar sem hafa átt stóran þátt í að koma okkur í þá skuldastöðu sem við erum í.
Þá er hann að tala um brellur tengdra aðila sem selja sjálfum sér fyrirtæki fram og til baka á sífellt hækkuðu verði. Nefnir í því sambandi Sterling og 10/11. það fannst mér áhugavert. Af hverju 10/11?
Voru viðskiptin með 10/11 ekki dæmd lögleg í hæstaretti? Kannski eru svona taktar löglegir hér. Frá mínum bæjardyrum séð voru viðskiptin sem áttu sér stað með 10/11 á sínum tíma skólabókardæmi um hvernig hægt er að þverbrjóta lög um hlutafélög og komast upp með það. Mér er enn hulin ráðgáta hvernig hægt var að koma þeim í gegnum dómskerfið.
Kannski verður æra þessa manns troðin ofan í skítinn eins og sumra annarra sem hafa reynt árum saman að benda á hvernig þessir menn stunda sín viðskipti. Öllu var til fórnað. Kannski sér til lands í þessu núna.
Hugsanlega rumskar þjóðin og sér það sem alltaf var augljóst. Þau viðskipti sem eiga sér stað með 365 og voru reynd við TM eru sú tegund viðskipta sem við eigum ekki að líða. Slugsarnir búnir að skuldsetja fyrirtækin upp í topp og fá svo bara niðurfellingu og meiri peninga að láni. Og hafa í leiðinni grætt verulega sjálfir.
Þetta þarf að stoppa og þó fyrr hefði verið því reikningurinn endar alltaf hjá okkur.
Röggi.
föstudagur, 28. nóvember 2008
Grein Jóns Steinssonar um viðskipti.
Gerast áskrifandi að:
Birta ummæli (Atom)
Færslur
1 ummæli:
joð
Því miður hefur komið óumdeilanlega í ljós með dómum í Baugsmálinu að bréfið dularfulla til dómara "Einnota réttarfar" lýsti fullkomlega hvernig stórveldi og peningaöfl - menn geta í skjóli " ofbeldis "keypt" sér þá niðurstöðu dóma sem þeim hentar.
Jón Gerald sýnir óaðyggjandi á síðunni
http://www.baugsmalid.is/ hvernig lyginn og óréttlætið sigrar sannleikann og réttlætið.
Baugsmenn hafa ekki gert minnstu tilraun til að reyna að leiðrétta "rangfærslunum" sem þeir sögðu vera í því sem kemur fram á síðunni, sem vekur furðu eins og þeir eru annars duglegir við slíkt og hvað þá hóta lögsóknum. Segir það ekki allt?
Það væri ansi forvitnilegt að kanna hug almennings núna gagnvart niðurstöðu málsins eftir að meint afbrot þessara aðila hafa komið betur í ljós? Og við erum bara rétt búin að sjá toppinn á ísjakanum spái ég.
Hafa Baugsmiðlarnir verið að kanna hug almennings um trúverðuleika Jóns Ásgeirs og málefnum sem hentuðu honum til að lemja á "Baugsóvinunum" núna, eins og þeir voru svo duglegir við að gera fyrir stjörnuhrapið?
Skrifa ummæli