Óbirtir tölvupóstar.

Fréttablaðið sagði frá því að Jón Gerald hafi nú sent fjölmiðlum útskiftir af tölvusamskiptum sínum við baug. Margt af því áður óbirt segir hann þó hluti póstanna hafi verið dómsskjöl í málarekstrinum. Hann fullyrðir að þessi samskipti varpi ljósi á hvers vegna hann hafi talið sig með gott mál í höndunum.

Auðvitað er margir orðnir hundþreyttir á þessu máli eins og stefnt var að. En ég get samt ekki að því gert að ég bíð í ofvæni eftir því að þeir fjölmiðlar sem töldu nauðsyn að birta tölvupósta sem snérust um Jónínu Ben og hennar mál öll taki sig nú til og birti þessa líka sér í lagi vegna þess að það er heimilt að þessu sinni og varla siðlaust.

það gæti að vísu farið fyrir brjóstið á eigendum en nú er tímabært að reka af sér slyðruorðið. Ég sjálfur sé enga góða ástæðu fyrir því að gera það ekki. Þögning er hávær.

Af hverju er það?

Röggi.

Meira um Bhutto.

Björgvin Valur eyjubloggari virðist kominn á þá skoðun að í raun og veru hafi Benazir Bhutto verið úlfur í sauðargæru. Hún hafi verið úr yfirstétt og menntuð erlendis og því ekki verðug. Hún hafi ekki verið í tengslum við þjóðina sem þó dáði hana að stórum hluta. Tónninn finnst mér óþægilega nálægt því að enginn missir sé að svona yfirstéttarpakki.

Ég veit minnst um það hvort hún var engill í mannsmynd eða ekki. Varla hefur hún verið fullkomnari en aðrir menn en að það skipti hér einhverju máli úr hvaða stétt hún komi skil ég ekki.

Ég efast ekki um misskiptingu lífsgæða í Pakistan. Að mannréttindi séu þar fótum troðin og spilling landlæg hjá þessari yfirstétt sem einokar stjórnmál þessa lands. Patentlausn er örugglega ekki til.

En ég hef eins og margir aðrir horft á þjóðina sjálfa fylkja sér um þessa manneskju. það skiptir mestu máli. Hún gaf mörgum, óháð stöðu hennar, von. Gildir það ekki mestu?

Grundvallarskoðanir okkur sem búum við fullt lýðræði og höfum efni á því að hafna góðu fólki á þeim forsendum einum að við þolum ekki annað hvort fólk úr efri stéttum eða neðri eiga held ég ekki við hjá íbúum Pakistan.

Því fólki fannst hún vera von um betra líf. það dugar mér.

Röggi.

Oftalin handboltamörk.

Áhugaverð staða er kominn upp í handboltanum. Taplið úrslitaleiks karla í deildarbikarkeppninni hyggst kæra framkvæmd leiksins. Svo viðist sem sigurliðið hafi fengið einu marki of mikið skráð en leikurinn vannst með tveimur.

Fullkomlega er eðlilegt að menn láti reyna á dómstóla við þessar aðstæður. Þekki ekki reglur handboltans en mig minnir að hjá okkur í körfuboltanum sé undirrituð skýrsla að leik loknum látin standa hvort sem mönnum finnst það sanngjarnt eður ei.

Frammarar reyndu lengi að kæra úrslit og framkvæmd bikarúrslitaleiks sem við Valsmenn unnum sællar minningar hér um árið. Það gékk ekki og ég spái því að svo fari núna líka.

Mér sýnist tilhneygingin vera sú að finna þægilegustu lausnina frekar en þá sanngjörnustu. Það þykir vera mikið vesen að spila leikinn aftur. Hef ekki trú á að sú leið verði valin.

Ég held samt að það væri bara gott fyrir alla spila aftur. Mikill þrýstingur yrði á öllum og umfjöllun eftir því. Gaman, gaman.

Sjáum hvað setur.

Röggi.

Silfur Egils í dag.

Sit hér og horfi á silfur Egils. Rífandi skemmtilegt eins og oftast. Rétt í þessu mætti Hanna Birna í gin ljónsins. Sat til borðs menn þremur spunameisturum af vinstri kantinum með hinn stórskemmtilega Hallgrím Helgason í fararbroddi.

Hallgrímur blessaður er fyrir löngu orðin lið ónýtur í allri pólitískri umræðu vegna áunnins haturs í garð Davíðs og sjálfstæðisflokksins. Þar nær spuninn nýjum hæðum og hann trúir hverju orði sem hann heyrir sjálfan sig segja. Þráhyggjuraus hans um Davíð er gærdagsins.

Hanna Birna var fjári frísk. Lét ekki slá sig útaf laginu þrátt fyrir knappa stöðu. Kraftmikil og gerðist hreinskilin. Talaði um arma í flokknum. Hélt sjálfur að algerlega væri óheimilt að tala þannig. Reyndar er hægt að benda á arma og fylkingar í öllum flokkunum ef betur er að gáð.

Magnað hjá henni að upplýsa okkur um að allir hafi talað við alla þegar meirihlutinn var að springa. Og að til væru önnur sms en hin frægu. Kannski eru ekki öll kurl komin til grafar.

Bjarni Harðarsson heldur áfram að bulla uppúr sér hlutum sem mig grunar að hann hafi ekki ætlað að segja. Össuri brá greinilega í brún þegar Bjarni upplýsti um glatað tækifæri til að mynda vinstri stjórn, nú í haust!

Ef Bjarni bullar ekki þeim mun meira þá hafa átt sér stað þreyfingar um samfylkingin sprengdi ríkisstjórnina í haust. það sýnir að mínu viti styrk hjá samfylkingunni að hafa leitt það hjá sér. Samfylkingin þarf síst á slíku upphlaupi að halda.

Gaman að Bjarna og Össuri. Þeir minna mig sífellt á Bryndísi Schram eiginkonu Jóns Baldvins. Það eru engir neyðarhemlar. Allt látið flakka. Formenn þeirra hljóta að biðla til æðri máttarvalda í hvert skipti sem þessir skemmtilegu og eðlilegu menn komast í tæri við myndavélar.

Röggi.

Íþróttamaður ársins.

Margrét Lára er íþróttamaður ársins. Því ber að fagna og engin ástæða til þess að þusa yfir því að hinn eða þessi eigi þetta betur skilið. Þetta er ekki vísindalega valið og því er ekki hægt að krefja neinn um rökstuðning.

Eitt vekur samt furðu mína. Af hverju þarf bikarinn að vera svona stór? Salurinn skemmtir sér að vísu vel yfir því þegar verðlaunahafinn rogast með gripinn um sviðið en er þetta ekki óþarfi. Ég hélt að stærðin skipti ekki máli.

Annars skemmtilegt kvöld og gott fyrir íþróttir. Jákvæð og mikil umfjöllun er fínt mál. Eitthvað er pískrað um breyta fyrirkomulaginu og fleiri komi að kjörinu. það held ég að gæti verið sniðugt. Stækka viðburðinn og gera vægið meira.

Hef líka heyrt að íþróttafréttamenn megi ekki heyra á þetta minnst. Kannski eðlilega en held samt að með tímanum muni það breytast því lengi má gott bæta.

Röggi.

Bhutto lést af slysförum.

Þá vitum við það. Bhutto lést af völdum höfuðhöggs. Nánast vinnuslys. Ekkert skot eða sprengjubrot. Innanríkisráðuneytið hefur sagt þetta og þá er engin ástæða til þess að draga fréttina í efa.

Leyniþjónustan hefur svo rakið símtal frá háttsettum aðila al kaida sem heyrist óska öðrum til hamingju mað drápið. Þessi sami sími var greinilega ekki hleraður daginn áður því þá hefði hugsanlega verið hægt að heyra um það sem stæði til daginn eftir.

Lái mér hver sem vill. Ég bara trúi ekki einu orði af þessu. Ólíkindalegt allt saman og reyfarakennt. Rannsókn málsins bara lokið áður en hún hófst. Frábær frammistaða og trúlega heimsmet. Hvar voru þessir menn þegar Kennedy var skotinn?

Alveg er þó hugsanlegt að ég hengi hér bakara fyrir smið en þá verður svo að vera. Hef fyrir margt löngu misst trú að stjórnvöldum í Pakistan og treysti fáu sem þaðan kemur.

Þessir tappar njóta ekki vafans.

Röggi.

Bubbi í sparifötunum.

Missti meira og minna af kastljósinu í kvöld. Lítll skaði þannig séð. Sá þó Bubba kóng sparikkæddann syngja með stórsveit. Framandlegur þannig til fara.

Hann er ekki spari. Var það einu sinni hjá mér en það hafði ekkert með föt að gera. Nú er hann sterkríkur jeppakall sem talar út í eitt um stangveiðar. Allt er í heiminum hverfult.

Flott atriði hjá honum í kastljósinu. Hann er flottur þegar hann er að gera það sem hann gerir best, sumsé syngja. Minnti mig mjög á einhvern. var lengi að finna manninn.

Svo kom það. Joe Cocker. Bubbi er orðinn nákvæmlega eins og sá gamli snillingur. Ekki leiðum að líkjast. Það var enginn með sviðsframkomu hans.

Skoðaðu.

Röggi.

Virðing og öðruvísi virðing.

Hef verið að velta því fyrir nú í dágóðann tíma af hverju góðu gæjarnir virðast ekki duga. Mjúki maðurinn er bara ekki að gera sig. Harðhausarnir þykja betri sama hvað hver segir. Um þetta höfum við fjölmörg dæmi.

Ef ég legg saman kosti og galla Davíðs Oddssonar og svo Geirs Haarde þá finnst mér það stappa nærri því að vera fullkomið dæmi um þetta. Ætla mér ekki þá dul að bera saman og gera uppá milli þegar kemur að vitsmunum þeirra tveggja. Þar er hvergi til sparað hjá almættinu og ríflega veitt í báðum tilfellum.

Auðvitað er stíll manna mismunandi og á að vera það. Engir tveir eru eins. Er nokkuð viss um það að ef þú spyrð þá vilja flestir hafa mýkri týpuna sem yfirmann að ég tali nú ekki um eiginmann. En er það ekki samt þannig að hin týpan fúnkerar betur?

Það er leitun að fólki sem treystir sér til þess að tala illa um Geir en stór fjöldi hefur ekki meira yndi af neinu en að tala herfilega um Davíð. Davíð er, og var oft, núið því um nasir að vera skapmikill og stjórnsamur. Langrækinn og ógleyminn ef honum mislíkaði ef ekki hreinlega hefnigjarn. Geðveikur sögðu þeir sem lengst gengu.

Samt var það svo að allir vildu vera með honum í plássi. Farsæll með afbrigðum. Kom ótrúlega miklu í verk og sat lengur en allir aðrir. Upphlaup fátíð og þá leyst án vandræða yfirleitt. Virðingin sem fyrir honum var borin óumdeild þó ýmsir minni spámenn hafi bæði þá og nú reynt af veikum mætti lengi vel að níða niður af þessu manni skóinn. Stundum var talað um óttablandna virðingu en mér dettur helst í hug að það sé í raun eina virðingin sem gerir sig í póltík. Sagan mun kenna okkur að enginn maður annar hafi verið sterkari en Davíð í víðasta skilningi þess orðs.

Hún er einhvernvegin öðruvísi virðingin sem borin er fyrir Geir. Hún er þarna og við vitum öll af henni. Hógvær og grandvar maður Geir. Sanngjarn umfram allt og segir ekki styggðaryrði um nokkra persónu. Farsæll á sinn yfirvegaða hátt. Heimsborgari öfugt við Davíð. Treystir á að hægt sé að koma málum fram með rökræðum og þvi að höfða til skynsemi fólks. Eins og sagt var um suma, klettur í hafi. Landsföðurslegur og uppáhlds tengdasonurinn. Nýtur virðingar engin vafi er um það.

En mér sýnist margt benda til þess samt að það dugi ekki til að njóta þeirrar virðingar sem hann nýtur. Það stafar engum ógn af honum. Gamla gengið í flokknum hikar ekki við að vaða fram opinberlega með skoðanir sem hvorki eru hans né flokks. Léttadrengir og stúlkur klúðra meirihlutanum í borginni. Engum manni dettur í hug að það hefði getað gerst undir Davíð.

Skemmtilegustu ráðherrar samfylkingar kunna ekki að vera bara ráðherrar. Sískrifandi og blaðrandi út og suður um hitt og þetta sem ýmist er ekki á dagskrá nú eða þá afdráttarlaust ekki á döfinni. Meira að segja Guðni lét sér ekki detta í hug að skipta ekki um stíl þegar hann gerðist ráðherra undir forsæti Davíðs.

Sumir tala um agaleysi og að menn óttist ekki. Ekki ósvipað og gerist í barnauppeldi. Blessuð börnin vaði uppi ef þau óttist ekki afleiðingar gjörða sinna. Hvað veit ég?

Ekki margt en grunar þó að ef fram fer sem horfir muni sá góði og gegnheili maður Geir sitja eftir með sárt enni. Af því að hann vill ekki taka á neinum og neinu. Allt skal leyst með samkomulagi skynsamra aðila sem tala sig niður á eðlilega niðustöðu. Þetta er fallegt en sennilega barnalegt.

Ég hef hér vonandi alls ekki rétt fyrir mér því stjórnmál ættu auðvitað að vera eitthvað nær Geir en Davíð. Eða hvað?

Röggi.

Pirraður Páll.

Hann er heldur betur sperrtur hann Páll Magnússon útvarpsstjóri. Hrokafullur og stóryrtur ef menn hafa skoðanir á því hvernig rúv er rekið. Er fyrir löngu búinn að gleyma öllum yfirlýsingunum sínum frá því að hann vann hjá einkaframtakinu. Þá var það hann sem vældi. Nú eru aðrir í því en prinsippin eru samt þau sömu.

Auðvitað má hann auglýsa í skaupinu. Af því að honum er það heimilt samkvæmt lögum. Mér finnst óþarfi að þrasa um smekk. Hvort á að hafa leyfi til þess að auglýsa yfirleitt er svo annað mál. Mín skoðun er sáraeinföld og hefur ekkert breyst frá því að ég var sammála Páli á sínum tíma. Ríkisfyrirtæki á ekki að standa í samkeppni við einkafyrirtæki. Það er ójafn leikur. Ekki vildi ég keppa við ríkisrakarastofur.

Ríkisforstjórar virðast margir festast i sama fari og Páll. Öryggið og tryggingin um að vera ekki látinn fara alveg sama hvernig mönnum tekst ekki að reka fyrirtækin án stórtaps árlega virðist svipta menn auðmýkt. Pirringurinn yfir því að litlir kallar út í bæ séu með moðreyk fer í taugarnar á Páli.

Það fer honum illa ekki síst í ljósi sögunnar.

Röggi.

Afleikir Aðalsteins.

Fréttablaðið heldur áfram að mjólka Aðalstein þjálfara stjörnunnar. Hann gefur greinilega ákveðið að reka sitt mál í fjölmiðlum áfram í stað þess að láta sinn málstað vinna málið þar sem það verður flutt. Afleit taktík.

Hann siglir fullum seglum að því að láta víkja sér úr starfi hjá núverandi vinnuveitanda sínum. það ætti honum að takast fyrr en seinna því ég get með engu móti séð að það þjóni neinum hagsmunum fyrir stjörnuna að vera með mann sem ekki er í betra jafnvægi en þetta í vinnu við æskulýðsstörf.


Röggi.

Ráðning Þorsteins.

Þá er búið að koma Þorsteini Davíðssyni fyrir i kerfinu. Og vandlætingarkórinn byrjar strax og kyrja spillingarkvæðin. Fyrst þegar ég heyrði þetta hugsaði ég um það hversu óánægður ég væri með það að minn flokkur væri að gefa höggstað á sér með svona löguðu.

Ég segi minn flokkur því ég er blár og oftast harla ánægður með það. Svo áttaði ég mig á því að engu máli skiptir hvaða stjórnmálaflokkur á í hlut. Þetta liggur í eðli hlutanna óháð því hver er við völd hverju sinni. Kratarnir þóttu allra verstir í pólitískum ráðningum á sínum tíma. Svo hættu menn að taka eftir því af praktískum ástæðum og fóru að beina sjónum að framsóknarflokknum. Mínir menn hafa lengi legið undir grun. Þeir eru alltaf í stjórn.Það er með þessi mál eins og mörg önnur, stjórnmálamenn gera illt verra. Flest sem þeir snerta spillist ef það er ekki gjörspillt fyrir.

Ráðherrar eiga ekki að vera þingmenn og hvorugur þessara hópa eiga að skipa dómara. Til hvers er verið að fá einhverja sérfræðinga utan úr bæ til þess að meta hæfi þegar hæfið er á endanum metið af ráðherra einum? Og ég spyr.

Hvers eiga þeir að gjalda sem sækja um störf og eru svo skipaðir af ráðherra þeirra flokks? Hver græðir á þessu fyrirkomulagi? Er til að mynda alveg útilokað að Þorsteinn eigi þetta skilið. Það munum við aldrei vita af því að pólitíkin þvælist hér fyrir öllu. það eru grimm örlög að vera í skugga Davíðs og njóta kannski aldrei sannmælis af þeim sökum.

Tökum þennan kaleik af þessu fólki. það er öllum fyrir bestu. Við núverandi stöðu verður ekki unað. Hér tapa allir.

Og hefjum svo vinnu við að þrískipta valdi hér því við breytum ekki mannskepnunni. Ef kerfið býður dýrategundinni uppá spillingarmöguleika er líklegra en ekki að einhver spillist.

Breytum því kerfinu.

Röggi.

"ég dæmdi ekki víti"

Ég hef áður skrifað um málefni KSÍ í nútíð og þátíð. Þar hefur verið af nægu að taka. Allt frá því þegar fyrrverandi formaður lét það viðgangast að einn besti sonur íslenskrar knattspyrnu, Guðni Bergs, var gerður útlægur vegna skapgerðabresta þáverandi þjálfara til þeirra óleystu vandamála sem tengjast fyrirliða liðsins í dag. Þá eins og nú virðist dugleysi forystunnar og úrræðaleysi algert.

Gunnar Gylfason FÍFA aðstoðardómari finnur sig knúinn til þess með yfirlýsingu að sverja af sér þátt í ákvörðun Kristinns Jakobssonar félaga síns um að dæma ranglega vítaspyrnu í evrópuleik á dögunum. Kristinn hefur nokkuð áberandi gert Gunnari talsverðan þátt í þeirri ákvörðun.

það liggur í hlutarins eðli að ekki geta báðir haft algerlega rétt fyrir sér í málinu. Ætla ekki að hafa neina skoðun á því af hverju mönnum ætti að vera í mun að segja ekki satt.

En ég spyr. Hvernig getur það gerst að þetta mál fer í þennan farveg? Svona mál hlýtur að verða að leysa innandyra. Hversu mikið hefur gengið á áður en Gunnar ákveður að fara með þetta í blöðin. Var engin önnur útgönguleið?

Þetta er ótrúleg atburðarás og styrkir hvorugan aðila málsins eða KSÍ. Og varla get ég ímyndað mér að þetta verði þeim félögum til framdráttar hjá FÍFA.

Er þetta ekki enn eitt dæmið sem sannar að stjórn KSÍ, formaður og framkvæmdastjóri ráða ekki við sitt?

Röggi.

Konur í Afghanistan.

Ég er að ég held bara ósköp venjulegur fýr. Hvorki betri eða verri en flestir. Hef einfaldar þarfir yfirleitt. Þoli ekki óréttlæti heimsins hvernig sem það birtist. Get aftur á móti rifist um hvernig best er að vinna á vandanum.

Sat fyrir framan sjónvarpið í kvöld og sá fyrir tilviljun þátt um konur í Afghanistan. Ég átti bókstaflega erfitt með að trúa eigin augum. Auðvitað er víða hægt að finna hörmuleg dæmi um afleitar aðstæður fólks af báðum kynum. En það sem þarna var grafið upp er nánast ólýsanlegt. Átti á stundum bágt með mig.

Líklega er best að reyna ekki að tengja þetta trúarbrögðum en ég berst við hugsunina. Hitt var aftur á móti út í hött og það var að reyna að klína þessu á Bush kallinn. Margt er hægt að setja á hans reikning en ekki það að talibanar, og fleiri, meðhöndla konur eins og húsdýr. Og að skepnuskapurinn er svo rótgróinn að það ætlar að taka eilífðina sjálfa að snúa við blaðinu þó þeim hafi verið komið frá völdum.

Ástandið afleitt víða í Afghanistan en ekki væri það betra með talaibana við völd. Góðir hlutir gerast stundum of hægt.

Og í þessu tilfelli alltof hægt.

Röggi.

Kalli Bjarni þegir.

Hvernig ætli standi á því að Kalli Bjarni þorir ekki að segja frá þeim sem fengu hann til að að burðast með dóp til landsins? Jú örugglega að hluta til óttinn við hefnd en kannski líka vegna þess að alls ekki er hægt að átta sig á því hver hagur mannsins væri af því að tala.

Ekki græddi Grétar í líkfundamálinu nokkuð á blaðrinu. Hann bókstaflega upplýsti málið á meðan snillingurinn félagi hans, Jónas, laug sig rangeygðan vikum saman. Niðurstaðan var að sjálfsögðu sama refsing handa báðum.

Jón Gerald fékk þau skilaboð að ákærur hans gegn baugi væru ekki marktækar vegna þess að hann legði fæð á baug! Frábært alveg enda algengt í meira lagi að menn beri hlýhug til þeirra sem þeir ákæra.

Fleiri dæmi eru til sem virðast benda til þess að dómskerfið hér viti hreint ekki hvernig á að taka á þeim sem kunna að vilja greiða veg réttvísinnar.

Ég spyr eins og fávís rakari. Hver græðir á þessu aðrir en vondu kallarnir?

Röggi.

Ekkert verðsamráð.

Glimrandi fín frétt á rúv í kvöld um verðmun á þjónustu hársnyrtistofa. Hellings verðmunur sem er gott og eðlilegt. Fréttamaðurinn taldi fréttina reyndar vera þessi mikli verðmunur. Stundum allt að helmingsmunur.

Þetta eru góð tíðindi af greininni hefði ég haldið. Eðlileg samkeppni og mikill verðmunur. Við erum orðin svo vön verðsamráði og einnarkrónu verðmuninum sem matvörumafíur landsins hafa komið sér upp að við teljum það stórtfrétt ef einhversstaðar finnst samkeppni í verðum.

Hvenær skyldum við fá að viðlíka fréttir af matarkaupmönnum, tryggingasölum, eldsneytissölum eða hvað þeir heita nú kaupmennirnir sem ekki treysta sér til þess að stunda raunverulega samkeppni í verðum.

Röggi.

Svekktur þjálfari.

Það er ekki ofsögum sagt að hann sé sársvekktur þjálfari kvennaliðs stjörnunar í handbolta. Aganefnd HSÍ tók myndarlega á ummælum hans síendurteknum í fjölmiðlum.

Gæti skrifað mikinn langhund um það hvernig þeir sem tengjast íþróttum geta misskilið margt sem kemur að dómgæslu. Þjálfarinn er einn af þeim þó að ég geti alveg skilið að ekki sé vel gott að fá óreynt par í stórleik sér í lagi þegar þeir menn eru svo ekki að standa sig.

Staðreyndin virðist vera sú að það sárvantar menn til að sinna dómgæslu í handbolta og mig undrar það ekki ef þetta er umgengin sem í boði er. Enginn verður óbarinn biskup í dómgæslu og einhverntíma þurfa menn að fá sénsinn sinn. Hvenær það er nákvæmlega getur verið álitamál.

Það er ekki að ástæðulausu sem þjálfurum víða um lönd er bannað að tjá sig með svona hætti um dómgæslu. Svona ummæli eru einfaldlega ekki góð auglýsing fyrir íþróttina auk þess sem þetta er engin leið til þess að umgangast fagaðila sem eru allir að vinna að framgangi íþróttarinnar.

Þjálarar eiga hiklaust að hafa faglega skoðun á öllu sem kemur að frammistöðu dómara. Slíkt getur verið mjög gagnlegt fyrir dómarana sjálfa ef umfjölluninni er beint á rétta staði og vandað til hennar.

Fjölmiðlar eru ekki þeir staðir.

Röggi.

Schengen.

það hljóta að hafa verið góðar ástæður fyrir því að við fórum inn í schengen samstarfið á sínum tíma. Einhver þægindi fylgja þessu. Við losnum við biðraðir á flugvöllum, sumstaðar. Það er kostur.

Og líklega einhverjir aðrir praktískir kostir sem ekki blasa við leikmanni eins og mér. Ókostirnir eru sýnilegir eins og stundum áður. Mikill kostnaður og svo það hitt að við höfum ekki hugmynd um hverjir eru hér staddir. Eða nýfarnir.

Ég er ekkert viss um það henti mér. Við horfum uppá þetta nánast daglega núna. Ofbeldis og afbrotamenn valsa hér út og inn án þess að spyrja kóng eða prest jafnvel þó kóngurinn og presturinn hafi lagt blátt bann við öllum ferðalögum. Og þarna er ég að vísa í þau mál þar sem hægt er að bera á menn kennsl. Það er því miður ekki alltaf þannig.

Sýslumaðurinn í keflavík reynir af veikum mætti að benda steinsofandi réttarkerfinu á að farbann hafi í dag ekkert gildi. Án árangurs.

Bandaríkjamenn eru grjótharðir á sínum landamærum. Einum of segja margir ef ekki tveimur. En við erum of lin ef ekki hreinlega kærulaus. Þarna þarf að finna milliveg og þar eigum við að staðsetja okkur.

Ef það þýðir að við drögum okkur út úr schengen er þá ekki bara spurning um að gera það. Heimsmyndir hefur breyst til muna frá því að það apparat varð til.

Segi bara svona.

Röggi.

Handbolti og kynlíf.

Handbolti eru ekki mínar ær og kýr. Læt mér almennt í léttu rúmi liggja hvernig kaupin gerast á eyrinni hjá handboltafólkinu. Ég vissi til dæmis ekki að til væri síða sem heitir handbolti.is fyrr en Rúnar vinur minn benti mér á hana.

Þar er að finna viðtöl sem stjórnarmaður HSÍ tekur við ungt handboltafólk af báðum kynjum. Bæði skriflegt og lifandi. Kannski er það bara ég, og Rúnar, en er ekki eitthvað undarlegt við að meginþemað virðist vera kynlíf hjá spyrjanda?

Ung stúlka í kvennalandsliðsferð á fullt í fangi með að verjast, ja í besta falli barnalegum spurningum um hluti sem ég myndi aldrei spyrja um.

Sjón er sögu ríkari. Handbolti.is

Röggi.

Öryggisráðið kærir VISA.

Öryggisráð feministafélags Íslands. Ég endurtek. Öryggisráð feministafélags Íslands. Þetta hlýtur að vera spaug. Líklega eru hér áhrifin af skagaspaugi Vífils símadóna að koma fram. Nú skal það frábæra grín toppað.

Vissi ekki að þetta ráð væri til og grunaði ekki heldur að það þyrfti að vera til. Baráttan er vissulega hörð og sækist líklega ekki nógu hratt og vel en ætli þetta teljist ekki vera fulllangt gengið. Gott ef konur í kringum mig eru ekki talsvert meira hneykslaðar en við strákarnir.

Má VISA hafa skoðun á því hvað kúnnarnir kaupa sér? Tölvunefnd eða persónuvernd eða hvað þær heita nú allar nefndirnar gætu jafnvel bannað VISA að hnýsast sérstaklega í það hvað korthafar eru að kaupa sér.

Til hvers að kæra kortafyrirtækið? Þetta jaðrar við ofstæki. Mæli eindregið með því ef þetta gengur ekki upp að hið mikla öryggisráð íhugi að kæra þá sem framleiða kortin. Ef það dugar ekki þá er rétt að hafa uppá þeim sem fann upp internetið, þá tölvurnar....

Röggi.

Einkarekið heilbrigði.

Nú er vá fyrir dyrum. Ögmundur Jónasson var klökkur af geðshræringu í þinginu. Hvað er það versta sem fyrir okkur gæti komið? Jú, einkarekin heilbrigðisþjónusta.

Ríkisstjórnin er að "hrekja" okkur til þess að einkareka þjónustu við sjúka. það væri dauðans alvara. Þá fá sjúkir og laskaðir enga þjónustu. Verða reknir á dyr fótbrotnir og fárveikir, bláfátækir án trygginga.

Allt of margir finna sig í amerískri hryllingsmynd þegar kemur að því að ræða einkarekstur í heilbrigðiskerfinu. Enda grýlunni haldið á lofti seint og snemma af mönnum eins og Ögmundi sem auðvitað vill helst að skjólstæðingar sínir hja BSRB og BHM séu sem flestir. Illa launaðir og óánægðir opinberir starfsmenn.

Heilsugæslan í salarhverfi, heilsugæslan í álftamýri, orkuhúsið og læknavaktin. Allt einkarekið. Hversu margir ætli viti það? Ríkð borgar brúsann en fagmennirnir reka businessinn. Þjónustan síst verri og reyndar talsvert betri. Og kostar ekki krónu meira en ríkisreknir starfsmenn eru að kosta okkur hundóánægðir og þar af leiðandi ekki nógu góðir starfsmenn.

Hættum þessari hysteríu og tölum um þessi mál af skynsemi og án fordóma. Stór hluti kerfissins er nú þegar einkarekinn öllum til heilla. Ríkið stendur ekki betur að svona rekstri en einkaaðilar. Ég hef reyndar aldrei skilið rökin. Af hverju ættu einkaaðilar að gera þetta verr? Hver vill ekki hafa viðskiptavininn ánægðan?

Það er ekkert verið að tala um að kollvarpa tryggingakerfinu. Miklu frekar er verið að tala um að nýta fé betur en nú gerist hjá ríkinu. Gera þjónustu samning við fagaðila um ákveðna hluti. Þetta gengur vel í dag og við eigum án vafa að skoða þessa leið betur.

það er ekkert að óttast.

Röggi.

Heiðurslaun.

þá er tekist á um veitingu heiðurslauna ríkissins. Hljómar þetta ekki einhvernvegin undarlega, heiðurslaun ríkissins? Mér finnst það.

Að þrasa um það að þessi fái en ekki hinn er eiginlega alveg út í hött. Mér vitanlega eru engar reglur til um það hvernig fara skuli með þessi heiðurslaun. Þetta er enn eitt dæmið um það hversu vita vonlaust er að láta stjórnmálamönnum svona vald í hendur. Enginn rökstuðningur til eða frá. Þeir sem ekki fá dylgja um þá sem fá og þá sem veita styrkinn. Þá er talað um pótitík, eðlilega því pólitískir fulltrúar eru að útdeila bitlingum eftir behag.

Ég treysti mér ekki til þess að skera úr um hvort er fallegra rautt eða blátt. Eða hvort mjög vel stæður fyrrverandi ritstjóri moggans þarf þessa smáaura frekar en Sigurður A sem aldrei hafði skynsemi til þess að leggja fyrir eins og aðrir menn gera flestir.

Hit sýnist mér býsna augljóst. Svona nokkuð á að taka af stjórnmálamönnum og láta fagráð um málið. Nú eða hitt sem er líka ágætur kostur.

Hætta þessari opinberu mismunun sem þessi heiðurslaun munu alltaf verða. það hlýtur að vera óþolandi fyrir þá sem fá að þurfa að sitja undir dylgjum og skömmum frá fulltrúm þeirra sem ekki fá. Vegna þess að mjög auðvelt hlýtur að vera að finna góðar ástæður fyrir þvi að allir sem telja sig til listamanna eigi launin góðu skilin.

Ef við ætlum þrátt fyrir allt að halda þessu áfram þá verður að taka þetta af alþingi. Þar aflagast allir hlutir í eilífðarstríði meirihluta gegn minnihluta.

Röggi.

Spilltur handbolti í safamýri.

Þeir voru misglaðbeittir þjálfarar efstu liðanna í kvennahandboltanum eftir stórleik kvöldsins. Þjálfari sigurliðsins eðlilega heldur kátari en mátti þó ekki vera að því að gleðjast eftir leikinn heldur splæsti nánast öllu viðtalinu í að tala um dómara leiksins. Hann var hundóánægður og taldi sitt fólk misrétti beitt. Gott og vel.

Hinn þjálfarinn hafði enn minni áhuga á því að fjalla um íþróttina sem hann vinnur við. Saltvondur og stóryrtur mjög. Þrautreyndur maðurinn hafði það í sér að tala um að dómgæslan í leiknum hefði verið "spilling og ekkert annað".

Í hverskonar ástandi eru menn þegar svona nokkuð gengur út úr þeim? Hvaða bækur er hann að lesa? Hvað er í matinn á heimili manna sem láta svona?

Flott auglýsing fyrir handboltann. Það verður spennandi að sjá hver refsing þjálfara stjörnunnar verður. Allt annað en leikbann er skandall. Og eins og málum virðist háttað þá þolir íþróttin ekki fleiri skandala.

Röggi.

Kristinn á Goodison.

Kristinn Jakobsson var í eldlínunni í gærkvöldi. Dæmdi evrópuleik hjá Everton fyrir fullu húsi. Stór stund fyrir hann persónulega því fótbolti er íþrótt númer eitt í heimunum. Kjötiðnaðarmaðurinn úr kópavogi er búinn að fara langa leið og grýtta til þess að komast á þennan stað. Mjög margir um hituna og þetta er því frábært. Hvernig í veröldinni stendur á því að hér heima þykir hann ekki besti dómarinn?

Stóð sig vel kallinn. Íþróttafréttamaðurinn talaði um hvað honum fyndist skrýtið að vera sífellt með augun á dómaranum. Þannig horfi ég á alla leiki. Var óheppinn með vítaspyrnudóminn ranga. Gunnar aðstoðardómari, nýklipptur, sá líka hendi þarna. Aldrei gott þegar við dómarar sjáum eitthvað sem ekki gerist. En svona gerast kaupin nú stundum á eyrinni.

Hef ekki nokkrar áhyggjur af því að þetta muni koma niður á honum. Menn eru greinilega búnir að ákveða að hann ráði vel við þetta. Það er langur aðdragandi að svona árangri og mönnum verður ekki hent út þó þeir geri mistök. Ekki frekar en að menn séu hafnir upp til himna eftir einn góðan leik.

Hamingjuóskir til Kristinns.

Röggi.

Kiljan.

Settist fyrir framan sjónvarpið mitt í kvöld þegar ég kom heim. Vissi af fótboltaleik sem gæti beðið mín og þá er ég sáttur. Fiktið í fjarstýringunni leiddi mig á rás ríkissjónvarpsins. Þar var Egill með kiljuna.

Þá varð fótboltinn að víkja. Mig minnir að einhverjir menningarvitar hafi verið að tuða yfir því að Egill þessi stjórnmálaþrasari fengi að vera með bókmenntaþátt. Þær áhyggjur reyndust óþarfar.

Ég er ekki endilega mesti bókaormur allra tíma en finnst þátturinn flottur. Páll Baldvin hlýtur að vera einn skemmtilegast maður þjóðarinnar. Strákslegur og hæfilega óheflaður í tali. Kolbrún er auðvitað bara Kolbrún.

Og Egill Egill. Hvernig er ekki hægt að hrífast með honum. Skemmtir sér greinilega og kemur víða við. Áhugi minn á bókum hefur aukist og það var tilgangurinn.

Man það núna að ég tók þáttinn í síðustu viku líka framyfir boltann.....

Röggi.

Trúboð í skólum.

Ég hlustaði á afskaplega geðþekkann mann frá siðmennt reyna að ræða við hlustendur bylgjunnar að morgni um það hvort kirkjan eigi að vera í skólum. Hlustendur voru margir reiðir honum en mér fannst margt sem hann sagði auðskilið og vel fram sett og hóflega.

Biskupinn okkar er fremur stóryrtur í garð þessara samtaka finnst mér. Eðlilega segja margir en ég er ekki einn af þeim. Þjóðkirkjan hefur hér algera yfirburði yfir aðra og ætti helst ekki að fara í fýlu þó einhverjir kunni að vilja hafa skoðun á því að kirkjunnar menn komi ekki með beinum hætti að trúaruppfræðslu í skólum landsins.

Ef ég skil þetta rétt þá er alls ekki verið að leggja til að horfið verði frá þeirri námsskrá sem nú er heldur sjái fagmenn, kennarar, um uppfræðsluna en ekki kirkjunnar menn.

Svo er verið að tala um þá nemendur sem ekki tilheyra þjóðkirkjunni. Hvað verður um þá? Skipta þeir engu máli bara af því að þeir tilheyra minnihlutahópi? Hversu stór þarf minnihlutinn að vera til þess að hann skipti máli.

Hvað mælir gegn því að við hleypum þá fulltrúum múslima á Íslandi inní skólana til að sinna trúboði? Mér finnst þetta óþarfa áhyggjur hjá kirkjunni. Ég reikna með því að ákvarðanir um það hvert skal stefnt í trúmálun sé tekin á heimilum en ekki skólum.

Eins og vera ber. Trúboð á ekki heima í skólum að mínu viti sama hvert trúboðið er.

Röggi.

Íslensk menntastefna enn gjaldfelld.

Þá er OECD enn og aftur að staðfesta að eitthvað er alvarlegt að í menntamálum okkar hér. Gott að sjá að Þorgerður Katrín hefur náð að safna kjarki og þorir að hafa skoðun á málinu. Síðast þegar sama stofnun mældi okkur svona þá sagði hún nefnilega að ekkert væri að marka, við værum svo sérstök, lítil, og langt í burtu.

Þetta setur væntanlega krydd í væntanlegar kjaraviðræður við kennara. þær verða reyndar að vera alvöru kjaraviðræður þar sem hlutirnir snúast ekki bara um hærri laun kennara og styttri kennsluskyldu.

Ég get ekki með nokkru móti séð að þessar nýjustu sannanir fyrir því að kerfið okkar virkar ekki sannfæri verkkaupann um að áfram skuli haldið á sömu braut. Forysta kennara mun án efa halda því fram að ástæða þessara niðurstaðna sé lág laun kennara og langur vinnudagur. það kaupi ég ekki.

Nú verður að ná fram breytingum jafnvel þó að hér þurfi að beita sömu aðferðum og danir eru að beita. Kollegi Þorgerðar hefur lýst því yfir að forysta kennara þar í landi muni ekki komast upp með lengur að halda málaflokknum í gíslingu og koma í veg fyrir nauðsynlegar umbætur á þeirra kerfi.

Þar mótmæla samtök kennara líka öllum breytingum sjálfkrafa. Engum til hagsbóta og allra síst þeim sjálfum. Núverandi fyrirkomulag hentar engum. Nemendur skila sér í fallsæti og kennarar eru láglauna.

Eftir hverju er að bíða?

Röggi.

Íslenska keppöndin.

Það er þetta með keppendurnar. Merkileg dýrategund. Hvað verður um keppendurnar á veturna? þeim ætti reyndar ekki að verða kalt, blessuðum. Svona búttaðar.

Eintalan ætti þá að vera kepp....önd.

Hljómar vel.

Röggi.

Fréttamat og Hannes Smárason.

Hvað ætli sé nú í fréttum? Jú Pútin heldur velli. Vesen hjá strætó. Og menn halda áfram að slást hingað og þangað. Svo er fjallað létt um að FL group eigi í vandræðum og þar verði skipt um forstjóra.

Þetta er fréttin ef ég er spurður. Stórkuldugur verðbréfamiðlari er nú loks að fá það á baukinn að hafa verið of kaldur. Bíræfinn og útsjónarsamur segja margir en í mínum huga er hann nánast þjófur. Alveg frá því í árdaga þegar hann seldi okkur ÍE hefur hann stundað spákaupmennsku og sjónhverfingar.

Hann hefur aldrei rekið fyrirtæki svo neinu nemi. Ekkert hefur hann skapað heldur. Það sem hann hefur gert er að eiga nógu mörg eignarhaldsfélög sem hafa keypt og selt fram og til baka af honum sjálfum og félögum. Flugfélagið okkar fer sennilega verst útúr æfingum hans því það fína fyrirtæki var notað til þess að kaupa ótt og títt og með þeim hætti hurfu ófáir milljarðarnir í útvíða vasa þessara fulltrúa nútíma græðgi.

Hvar fann drengurinn peninga til að gera alla þessa hluti? Hann hlýtur að vera skuldugasti núlifandi Íslendingurinn. Kannski eru einhverjir bankaforkólfar svefnlitlir núna. Nei annars, á hann ekki banka?

Það skyldi þó ekki fara svo á endanum að Davíð hafi haft rétt fyrir sér. Eru þetta ekki bara bölvaðir götustrákar. Jón Ásgeir ætlar að koma með einhverja pappíra inní þrotabúið en ekki það mikla að hann þurfi að gera yfirtökutilboð. Samt vita allir að hann og hans eiga þetta allt saman. Þessi þétti hópur auðmanna sem við tilheyrum orðið öll á þetta þvers og kruss. Varla að nokkur maður geti áttað sig á hver er hvað nema með mikilli vinnu og athugun á eignarhaldsfélögum og kennitölum.

Og það þykir ekki vera nógu merkilegt að fjalla um það Hannes Smárason virðist kominn að fótum fram. Nú ætti einhver grúskarinn í fjölmiðlastétt sem ekki er í eigu þessara manna að kafa nú djúpt því mig grunar að skíturinn sem upp kæmi sé magnaður.

Vonum bara að ekki verði margir sem Hannes Smárason dregur með sér í fallinu. Svona kallar eru dýrkeyptir þegar þeir tapa í lottóinu. En hann er auðvitað töframaður hann Hannes og kannski galdrar hann einhversstaðar fram lausn.

Röggi.

Guð bjó til skýin.

Sonur minn sjö vetra, Máni Freyr, er mikill snillingur. Fallegasta og besta barn veraldar auðvitað. Eins og öll önnur börn. Hverjum þykir sinn fugl fagur.

Börn eru heimspekingar. Vorum í einum af fjölmörgum bíltúrum okkar í gær þegar hann upplýsir mig um það að Guð hafi búið skýin til. Þá fórum við að ræða Guð. Það er hættulegt við umræðuefni við hvern sem er og ekki síst hann Mána minn.

Ég segi honum að Guð sé allstaðar. Þá spyr minn, "hvernig veistu?". Stóra spurningin sjálf hvorki meira né minna. Ég segi honum að ég bara trúi því og þá kemur yfirlýsingin, "ekki ég!"

Þetta stefnir í óefni fyrir mig og Guð. Svo spyr Máni mig hvort hann sé inní ljósastaurnum. Og steypuklumpinum sem við ökum framhjá. Hvernig svarar maður svona?

Held að við trúum báðir þannig séð. Og kannski kemur að því að flestir þurfi einhversskonar staðfestingu. Er ekki handviss um að svör mín við spurningum Mána hafi styrkt hann verulega í trúnni.

Ég hins vegar horfi á hann á hverjum degi og veit þá að Guð er til.

Röggi.

Jón Arnór íþróttamaður ársins.

Nú líður að kjöri íþróttamanns ársins. Þetta kjör hefur ekki haldið fyrir mér vöku fram til þessa en nú sýnist mér stefna í að minn maður rúlli þessu bara upp.

Hef reyndar ekki lagt á mig mikla vinnu og rannsóknir á árangri íslenskra þetta árið en get ekki séð að neinn komist með tærnar þar sem Jón Arnór er með hælana.

Sem betur fer eru að galopnast augu fréttamanna fyrir því í hverskonar umhverfi drengurinn er að vinna. Körfubolti er ekkert jaðarsport eins og sumar aðrar ónefndar boltaíþróttir.

Jón Arnór spilar stórt hlutverk í liði í einni af bestu deildum Evrópu. Er sennilega þriðji launahæsti Íslenski íþróttamaðurinn á eftir Eið Smára og Hermanni Hreiðarssyni. Óli bróðir gæti verið símastúlka hjá honum!

Nei, nú verður erfitt að ganga framhjá honum. Geri mér auðvitað grein fyrir því að þetta kjör er ekki vísindalega unnið. Og þess vegna ekkert sem segir að sá besti vinni endilega því menn hafa misjafnar skoðanir á hinum og þessum greinum.

Treysti á fagmennskuna og þá vinnur minn maður.

Röggi.

Hef líka áhyggjur af kennurum.

Sá það í blaði einu að kennarar við kársnesskóla hafa áhyggjur af kjörum sínum. Ekki lái ég þeim það. Ég hef þær líka og hef áhyggjur af þessum málaflokki almennt.

Við erum föst í vítahring með menntamálin okkar. Enginn er ánægður. Kennarar með kjörin og ég sem skattgreiðandi er oft áánægður með það sem ég fæ fyrir aurinn sem settur í málaflokkinn. OECD segir okkur að við leggjum meira til en allir aðrir en fáum minna til baka en flestir.

Mikill meirihluti þjóðarinnar skilur ekki starf kennara og tekur því örugglega of oft neikvæða afstöðu. Fáir sem ég þekki skilja jólafrí kennara, páskafrí og sumrfrí. Ég hef ekki fengið nein sæmilega haldbær rök sem styðja þessi löngu frí. Hvernig stendur á því að kennaranám er hvergi styttra en á Islandi?

Kennarar segjast ekki komast yfir það sem þeir þurfa að komast yfir. það getur ekki gengið. Endalaus kvöldvinna þó margir séu reyndar ekki á vinnustað nema rétt framyfir hádegi. Hvurslags er það eiginlega? Kennarar eiga að sjálfsögðu að fá greitt fyrir alla þá vinnu sem þeir þurfa að inna af hendi og gera það þá á vinnustað. Dugi 8 tímarnir ekki þá er að borga yfirvinnu, hvað annað?

Staðan er sérstök svo ekki sé meira sagt. Sá sem býður verkið út og borgar launin hefur í dag ekkert með það að gera hvernig vinnu hann er að kaupa. Samtök kennara eiga þetta starf og skólana skuldlaust. Engu má breyta. Bara alls engu. Samt er enginn sáttur.

Kjarabarátta kennara miðar að því að allir séu á jafn lélegum launum. Meðalmennsakan skuli allsráðandi. Skólastjórapotturinn saminn burt af því að hann þótti mismuna fólki! Verðlaunum meðalmennskuna. Er það rétta leiðin?

Við sitjum uppi mað þá staðreynd að besta fólkið okkar er að hrökklast burt úr stéttinni. Þetta kerfi okkar gerir alls ekki ráð fyrir því að fólki sé umbunað fyrir sína vinnu. Hvatinn til að gera vel er of lítill. Núverandi kerfi hentar frekar skussunum en hinum.

Gamla husgunin um að allir eigi að vera jafnir í öllu virkar ekki hér frekar en víða annarsstaðar. Fólk vill fá vel borgað fyrir vel unnin störf. Og ef árangur minn er mælanlega miklu betri en næsta manns þá vill ég fá betur borgað en hann. Það vill forysta kennara ekki.

Margrét Pála og fleiri hafa sýnt það undanfarin ár að flestum virðist takast betur upp en opinberum aðilum að reka leikskóla og skóla. Hvernig má það vera? Þarf ekki að stokka spilin uppá nýtt. Endurmeta starfið frá grunni.

Þetta er gríðarerfitt og mikilvægt starf sem á að greiða besta fólkinu vel fyrir. Við þurfum toppfólk á topplaunum í djobbið. Ekkert minna en það er ásættanlegt. Hver einasti maður núlifandi þekkir það að hafa haft kennara sem setið hefur óhreyfanlegur í starfi gersamlega óhæfur.

Endalaust tuð um verkföll og styttri vinnutíma með hærri launum er eitthvað sem venjulegt fólk skilur bara ekki því miður. Ég held að með allsherjar uppskurði þá verði mun auðveldara að sækja sanngjörn laun.

Eins og staðan er í núna þá sýnist mér að málstaður kennara eigi nánast engan hljómgrunn og það er fráleitt. Okkur á öllum að finnast kennarar eiga að vera hópur hálaunamanna.

Ég held því fram að forysta kennara hafi með gamaldags afstöðu tryggt að kennarar eru í dag láglaunstétt.

Það er ekki minn hagur.

Röggi.

Dómarar leggja ekki lið í einelti.

Ég er dómari í körfubolta og hef því skoðanir á öllu sem snýr að dómgæslu almennt og þá er sama í hvaða grein við erum að tala um. Nú er stjóri chelsea að tala um að dómarar leggi sitt lið í einelti. Svona þvætting les maður alltaf af og til.

Í mínum huga vantar stórlega uppa hjá mönnum sem lifað hafa og hrærst í greininni í langan tíma þegar svona ummæli koma frá þeim. Alls ekki er útilokað að lið geti verið óheppin með ákvarðanir dómara og jafnvel getur það gerst ítrekað. Þannig gerast kaupin einfaldlega á eyrinni.

Dómarar eins og aðrir sem koma að íþróttum hafa aðeins eitt að leiðarljósi. Og það er að vera besti maður vallarins. Fá klapp á bakið og geta sagt að vel hafi tekist til þó hinn fullkomni leikur komi aldrei. Þetta gengur misvel enda eru dómarar manneskjur eins og leikmenn, og þjálfarar.

Leikir eru miserfiðir og leikmenn geta stundum gert starf dómaranna mjög erfitt með endalausum leikaraskap og óheilindum. Af hverju hafa þjálfarar ekki áhyggjur af því? Hvers vegna taka þessi ágætu menn yfirleitt alltaf málstað leikmanna sinna jafnvel þó hlutlausum virðist málstaðurinn afleitur?

Tvennt gæti hjálpað hér. Dómarar ættu að sjálfsögðu að sækja þjálfaranámskeið til þess að fá betri innsýn í það hvað þjálfarar eru að kenna. Og svo ættu þjálfarar og leikmenn hiklaust að taka dómarapróf.

Þannig fengjum við betri dómara án vafa og leikmenn og þjálfarar fengju betri innsýn í það hvernig er að standa úti á vellinum og flauta í flautuna. það er ekki auðvelt og verður ekki auðveldara í því umhverfi sem mönnum er búið í Englandi í dag.

Dómarar eru heiðarlegt fólk eins og þjálfarar. Misgóðir eins og þjálfarar en engum dettur í hug að halda því fram að þjálfari sem ekki getur alltaf náð sínu besta fram sé óheiðarlegur.

Eðlilega.

Röggi.


Þá kannski myndu svona bull yfirlýsingar heyra sögunni til.

Kynhlutlausu börnin hennnar Kolbrúnar.

Kolbrún Halldórsdóttir fékk frábæra flugu í höfuðið núna. Óþrjótandi baráttama...ég meina kona. Femínisti af guðs náð. Gott mál.

Nú vill hún að við hættum að klæða nýfædda drengi í blátt og stúlkur í bleikt. Hvítt væri betra eða aðrir "kynhlutlausari" litir. Hversu langt á að fara í svona löguðu? Nauðsynlegt að nýfædd börn og foreldrar þeirra átti sig strax á því að börnin eru hvorki drengir eða stúlkur. Blessuð börnin eru auðvitað "kynhlutlaus".

Gott að vita að alþingismenn eru að sinna skyldum sínum og sinna stóru málunum okkur til heilla. Skil ekki bofs.

Hvítt finnst mér ekki góður litur og legg eindregið til að við einföldum málið mjög og höfum nýfædd börn hiklaust í hinum fagurbláa lit.

Röggi.

Reynir Traustason bullar.

Var rétt í þessu að ljúka yfirferð minni í gengum DV. Tekur að jafnaði fljótt af en þó les ég það sem Reynir Traustason skrifar alltaf. Skruggugóður oft.

En í dag datt hann í bullið. Þar er hann að skamma Júlíus Vífil fyrir að vega að mannorði Össur Skarphéðinnssonar! Það þarf einbeittan vilja til að lesa svona úr atburðarásinni sem varð þegar Össur skrifaði pistilinn fræga um sexmenningana. Orsök og afleiðing skiptir hér máli.

það var Össur en ekki Júlíus sem uppnefndi og talaði um að einhverjir væru ekki með réttu ráði. Sem mér finnst mjög slappt hjá Össuri enda maðurinn snillingur hins ritaða orðs auk þess sem málsstaður hans var svo góður að ekki hefði átt að þurfa að grípa til svona óyndisskrifa.

Frekar en áður. Hvað Reyni Traustasyni gengur til með þessum magnaða umsnúningi á sögunni veit sennilega enginn. Kannski er bara ekki einfalt að þurfa að skrifa eitthvað á degi hverjum, gáfulegt. Þá er hentugt að grípa til þess að skrifa eitthvað sem þú heldur að markhópurinn sé ánægður með. Sannleikurinn og sagan er þá bara aukaatriði.

Í dag skaut hann yfir markið.

Röggi.

Hver vill ójafnrétti?

Ójafnréttið er staðreynd. Óþægileg mjög og enginn veit af hverju það er til. Enginn bað um það og fáir styðja það beinlínis. Ég þoli það ekki hvort sem það bitnar á móður minni eða dóttur.

Þekki engan karlmann sem er fylgjandi ójafnrétti. Samt er umræðan oft eins og við strákarnir, tegundin, séum óvinurinn sem hafi sérpantað það og viðhaldið meðvitað.

Er það niðurstaðan? Öfgafemínistar eru þreytandi en nauðsyn sennilega því þær eru hreyfiafl. En kjánaskapurinn stundum yfirgengilegur. Hausatalningar í silfri Egils eru í besta falli barnaleg leikskólavísindi. Hvað eiga þær að sanna?Kannski það að konur vilja ekki eða langar ekki. Sjá ekki tilganginn eða eiga ekki heimagengt. Ekki hugmynd.

Löggjöf hjálpar til en leysir ekki vandann að fullu. Þá væri hann úr sögunni. Lausnin er ekki auðfundin og kannski er enginn sjálfvirk lausn. Við höfum þokast áfram þó of hægt fari. Bæði erum við strákarnir að opna augun og stelpurnar eru farnar að sækja sér jafnrétti hver og ein á vinnustöðum.

Vinnuveitandanum hlýtur að vera sama um það hvort frábær starfskraftur sem hann hefur er karl eða kona. það er staðreynd að fólki er mismunað í launum og þannig á það að vera. En sú mismunun má auðvitað ekki snúast um kyn.

Röggi.

Lögbann og ekki lögbann.

Nú er tekist á um höfundarétt. Ekki eru þau átök alveg ný af nálinni en með tilkomu netsins er málið stærra og lausnin ekki vandséð. Sanngjarnir menn hljóta að sjá að það hlýtur að vera fremur þreytandi að sjá verk sín birt án endurgjalds en öðrum til tekna.

Hróbjartur Jóntansson fór mikinn fyrr í vetur þegar hann með miklum látum reyndi að fá lögbann á dreifingu efnis sky sjónvarpsstöðvarinnar. Tókst í leiðinni að móðga menn hægri vinstri og þurfti á endanum að biðjast afsökunar. Þetta var sjóðheitt í fjölmiðlum þá.

Héraðsdómur synjaði SMÁÍS fyrir hönd 365 um lögbannið og úrskurðinum var áfrýjað. Af hverju hefur enginn fjallað um niðurstöðu hæstaréttar í málinu? Hann nefnilega staðfesti niðurstöðu héraðsdóms. það er frétt.

Sérstaklega í ljósi þess að nýverið fékkst lögbann á torrent.is.

Margt skrýtið í kýrhausnum.

Röggi.

Rausið í Össuri.

Hvað á mér að finnast um stanslausa athyglissýki Össurar? Eitt og annað sjálfsagt en Sigurður Kári hefur takmarkaða þolinmæði gangvart rausinu og krefst meiri aðgætni og tillitsemi. Sem er ekki undarlegt.

Annars er margt undarlegt. Hvar er Ingibjörg Sólrún til að mynda? Hver gleypti hana? Henni finnst kannski alveg bráðhentugt að nota Össur í að búa til tortryggni og leiðindi milli flokkanna. Þögn hennar og fjarvera er hávær og undarlega áberandi.

Þó að ég dáist að mörgu leyti að því hversu miklu léttara virðist yfir ráðherrum þessarar ríkisstjórnar en fyrri þá liggur við að félagi Össur kunni ekki með fríðindin að fara. Mér finnst ekki óeðlilegt að ráðherrar fái ákveðið svigrúm til þess að útlista eigin áherslur eins og Björgvin G hef gert ágætlega og alveg án þess að samstarfsflokknum þurfi að finnast óþægilegt.

Hér um þrennt að ræða. Hugsanlega vill Össur í samráði við Ingibjörgu sá efasemdarfræjum sem á endanum eyðileggja traustið milli flokkanna. Eða það sem er enn líklegra og það er að honum myndi kannski ekki mislíka það mjög að þessi tilraun hennar til að vinna með sjálfstæðismönnum mistækist. Kannski bærist enn formaður með Össuri.

Og svo hitt að hann sé að klaufast. Hef áður lýst því að ég legg allan lífeyrissparnað minn undir á að þannig liggi ekki í þessu. Hann er spunameistari góður, að eigin sögn.

Það sem þó er verst í þessu er kannski ef Össur ætlar að fara illa með fínt fólk eins og Geir Haarde sem virðist trúa og treysta á skynsemi og full heilindi samstarfsmanna frekar en harðann aga og frekju. Hann er sjálfur orðvar maður og kurteis og kann þá mögnuðu list að gera ágreining við sitt fólk og aðra án þess að ganga um meiðandi með stóryrði.

Þar getur félagi Össur lært eitt og annað.

Röggi.

Guðni þvær hendur sínar.

Ég hreinlega verð að komast í bók Guðna formanns hið fyrsta. Bæði er það að maðurinn er skemmtilegur frá náttúrunnar hendi og svo hitt að þarna virðist kjöt á beinum.Ef eitthvað er að marka það sem ég hef lesið.

Þessi bók kemur án efa út á þessum tímapunkti til þess að styrkja karlinn í fyrirsjáanlegur slag við Björn Inga, sem hann mun tapa. Framsókn til heilla held ég því þó Björn Ingi sé sífellt spyrtur saman við spillingu og spillta samflokksmenn þá er að minnsta kosti líf í honum. Og kjarkur.

Held að Guðna skorti kjark, almennt, þó einhverjir muni kannski halda því fram að rifrildi hans og Halldórs sýni að Guðni hafi kjark þá held ég að þar hann hafi fyrst og fremst sýnt að hann hefur skap og sjálfsbjargarviðleitni.

Og kannski hefur hann líka snert af því sem Steingrímur Hermannsson náði fullum tökum á. Og það er snilldin í því að kannast ekki við það sem reynist óvinsælt, eftirá.

Mér hefur aldrei þótt sérlega mikið til þess koma að reyna að hvítþvo sig af ákvörðunum sem þú tókst sjálfur þátt í að framkvæma. Kristinn H Gunnarsson stóð betur að því að reyna að halda reisn gangvart eigin skoðunum og fór.

það gerði Guðni ekki heldur stóð í stafni með Halldóri og tók þátt í því að styðja innrás í Írak. það er mergurinn málsins.

Röggi.

Júlíus Vifill hefur orðið..

Hvernig væri nú að einhver mjög góður maður úr mínum ágæta flokki setti nálgunarbann á borgarfulltrúann Júlíus Vifil? Hann mætti þá ekki koma nærri fjölmiðlafólki en sem næmi 2,5 km. Svona cirka.

Ekki kannski alveg að marka mig en ég hef aldrei skilið hvernig hann hefur hlotið brautargengi í pólitík. Hef bara ekki hugmynd um fyrir hvað hann stendur.

Hann gerir flokknum óleik í hvert skipti sem hann opnar munninn. Eflaust góður maður á alla lund en þrá hans eftir sterkari stöðu innan flokksins er afgerandi. En vonin veikist sýnist mér í réttu hlutfalli við fjölda skoðana sem hann ætlar að hafa á orkuveitu útrásinni.

Ekkert er samt að því að skipta um skoðun. Það getur eflaust verið bráðhollt að reyna það einn daginn. En þá þarf viðsnúningurinn að vera bærilega ígrundaður og rökstuddur en í tilfelli Júlíusar er ekki verið að splæsa slíku á sig.

það bjargar honum kannski ekki en samt gæti verið gaman að fjölmiðlar myndu fylgjast með fleirum sem tengjast þessu klúðri og hafa skipt um skoðanir ótt og títt allt eftir því hvernig staða þeirra við kjötkatlanna hefur breyst.

Mér finnst skorta á það.

Röggi.

Pútin fellir grímuna.

Ég hef stolist til þess undanfarna mánuði að benda á að gamli KGB fanturinn Pútin virðist ekki lengur nenna að fela eðlið. Hef verið áminntur um að kalda stríðið sé búið og svona málflutningur því orðræða gærdagsins.

Læt mér það í sjálfu sér í léttu rúmi liggja hvað menn vilja kalla stríðið sem Pútín heyr gegn þeim sem hann ekki getur mulið undir sig. Sennilega er það frekar heitt en kalt.

Lengi vel lét hann sér duga að skreppa með reglubundnum hætti yfir til Tjeteniu til að leggja Grosní í rúst. Hann getur hvorki þolað þeim né öðrum fyrrverandi undirmálsþjóðum neina sjálfstæðistilburði.

Vinir og vandamenn fara til London og kaupa sér fótboltalið til að auðvelda þeim þjófnaðinn á auðæfum Rússa. Svo eru alltaf einhverjir sem ekki uppfylla tilsett skilyrði og lenda þá í grjótinu. Heitir hann ekki Kodorkovski sem situr inni fyrir sakir sem enginn veit hverjar eru. Nýríkir Rússar flæða um allt í skjóli Pútins. Feitir af olíunni sem einu sinni var í eigu þjóðar og ríkis en ekki er alveg ljóst hver skilyrðin voru þegar einkavæðingarnefnd Pútins sérvaldi.

Blaðamenn myrtir og eitrað fyrir fyrrverandi þrjótum. Nú er Pútin alveg hættur að fela það að hann þolir ekki pólitískt lýðræði heima fyrir þó hann aðhyllist það af öllum mætti víða annarsstaðar. Hver bannar mótmælafundi? Og handtekur fólk sem vogar sér. Úlfurinn er að fella sauðargæruna.

Mjög margir þola ekki Bush og saka hann um eitt og annað misfagurt. Er almennt talinn stappa nærri því að vera þroskaheftur í ákveðnum kreðsum. Enginn frýr þó Pútin vits.

Hver er þá skýringin?

Röggi.

Össur og útrásin.

Renndi áðan yfir pistil Össurar eins og minn er siður. Alltaf skemmtilegur en núna voru honum mislagðar hendur. Full dramatískur í hugsun og yfirlýsingum en á því kunna að vera eðlilegar skýringar.

Hann er auðvitað búinn að fabúlera um að mil
ljarðarnir sem orkuútrásin muni færa okkur teljist frekar í þúsundum en hundruðum. Brattur eins og ávallt. Sjálfur búinn að flengjast til útlanda til að hafa hönd í bagga. Og þvi eðlilega svekktur og pirraður yfir stöðunni.

En er ekki fullmikið í lagt að kenna handónýtum borgarstjórnaflokki sjálfstæðismanna einum um? það er að sönnu rétt að slagsmál þeirra innbyrðis urðu þess valdandi að þeir hrökluðust frá völdum í höfuðstaðnum.

Og hafa margsnúist í afstöðunni til málsins. Svo mjög að fáir skilja hvað þar gengur á innandyra lengur. En hefur það úrslitaáhrif á framgang útrásarinnar?

Er núverandi meirihluti ekki alveg einfær um að klúðra málinu með félaga Svandísi við stýrið? Glænýr meirihluti hlýtur á endanum að bera einn ábyrgð á því hvernig úr málinu er spilað.

Kannski er eitthvað sem hefur farið framhjá mér og ég verð þá vonandi bara leiðréttur en það er ný og athyglisverð sýn að kenna þeim sem engu ráða um það hvernig tekst til í þessu máli.

Miklu líklegra finnst mér að Össur sé nú að hefja gönguna í þá átt að sprengja ríkisstjórnina með svona málflutningi. Hann segist sjálfur vera mikil refur og kannski er refskapurinn að sýna sig hér. Þetta er kannski á frumstigi en gæti verið orðið áþreifanlegt ja svona undir næstu kosningar eða svo.

Hinn kosturinn er að hann sé svona mikill klaufi og leiðindagaur. Ég legg ekki fimmkall undir á það.

Röggi.

Paul Nikolov.

Skrapp aðeins á moggabloggið mitt gamla. Las Heiðurnar báðar enda afburðaskemmtilegar báðar tvær þó ólíkar séu. Og ég las reyndar fleiri og sá þá að ég hef verið út á þekju. Ekki fylgst með. Mér skilst að þar hafi logað eldar.

Af litlum neista sýnist mér eins og stundum hjá bloggurum. Nennti hreinlega ekki að sökkva mér á kaf í málið en það snýst held ég um að Paul Nikolov glænýr þingmaður okkar og nýbúi lýsti þeirri skoðun sinni fyrir nokkrum misserum að Aron Pálmi hefði hlotið makleg málagjöld fyrir sín brot í USA.

Og nú logar bálið glatt. Ég spyr, af hverju mátti hann ekki hafa þessa skoðun? Er það kannski vegna þess að hann er útlendingur að hafa skoðun á Íslendingi sem er reyndar kannski ekki endilega meiri Íslendingur en hinn. Eða er það vegna þess að nú þykjast menn vita annað og meira um málið.

Ég ætla ekki að hafa neina skoðun á málefnum Arons Pálma. Hryllilegt mál greinilega og enginn vafi á því að pottur er víða brotinn í fangelsum unglinga í bandaríkjunum. Og víðar.

Margt af því sem mér fannst augljóst fyrir 5 árum síðan þykir mér í dag hlægilegt. Hlutirnir breytast og mennirnir með. Nýjar upplýsingar geta þarna haft áhrif og ekkert að því að menn leiðréttist eða leiðrétti. Það er ekki veikleiki að viðurkenna að maður hafi haft rangt fyrir sér.

Heilög réttlæting þeirra sem segjast hafa höndlað hinn eina rétta sannleika er varhugaverð. Stundum hefur það verið þannig með okkur Íslendinga að við tökum einarða og sjálfvirka afstöðu með okkar fólki þegar það lendir uppá kannt við lög annarra landa. En erum svo glerhörð þegar kemur að því að dæma útlendinga sem lenda í vandræðum hér á skerinu okkar góða.

Dæmum ekki Nikolov úr leik þó hann hafi haft skoðun sem okkur líkar ekki. Það er allt fullt af fólki á þingi sem hefur haft helling af fáránlegum skoðunum á hinu og þessu. Án þess að eldar logi glatt í bloggheimum.

Röggi.

Málefni KSÍ.

Sá ekki nema lítið brot af þætti sýnar í kvöld um Íslenska landsliðið. Hef samt mínar skoðanir sem fyrr og þær breyttust lítið við áhorfið.

Menn misgáfulegir. Óli Þórðar heldur að ástæða lélegs árangurs snúist um ungt fólk keyri ekki vörubíla eins og hans kynslóð gerði. Willum sagði ekki neitt af því að hann ætlar að vinna hjá KSÍ í framtíðinni og allir vita hvernig er að lenda í ónáð.

Í mínum huga var Guðjón Þórðarsson með málið. Metnaðarleysi KSÍ er ástæðan. Skortur á fagmennsku og framtíðarsýn. Upphafið var auðvitað fáránleg ráðning Eggerts á Eyjólfi sem ofan á getu og reynsluleysið fékk enga aðstöðu til þess að ná árangri.

það er þannig að eftir höfðinu dansa limirnir. Þetta á við um allan rekstur. Ég þekki engan mann sem finnur einhverja vikt í formanni KSÍ. Hann er eins og lafhræddur stjórnmálamaður. Segir í raun aldrei neitt. Ekki einu sinni þegar reynir að gagnrýna fjölmiðla. Annars er stórskemmtilegt að fylgjast með því hvað fjölmiðlamenn sem hafa lifibrauð sitt af því að rýna með gagnrýnum augum á hlutina verða alltaf létt fúlir þegar einhver ætlar sér að gagnrýna þá. það eru engin rök að benda á að KSÍ sé ekki faglegt þegar KSÍ sakar fjölmiðla um skort á fagmennsku.

Breytinga er þörf í forystu KSÍ svo einfalt er það í mínum augum. Forystan er orðin makindaleg og feit ef ekki löt í stólunum. Ódýrar skýringar eins og ástand æskunnar og samanburður á nútíð og fortíð skiptir hér engu. Meiri metnaður fyrir landsliðið er það eina sem dugar.

Núverandi forysta hefur ekki nauðsynlega kraft og vikt og hrífur fáa með sér.

Röggi.

Jón Viðar og gagnrýnin.

Ég er afspyrnuslakur að sækja leikhús. Samt er alltaf gaman þar. Misgaman en þegar við sem förum sjaldan förum, þá er bara alltaf gaman. Einhver myndi þá kannski segja að við hefðum bara ekkert vit á leikhúsi og þekktum ekki muninn á því sem er gott og því sem er frábært. Skítt með það. Ég þarf ekki að láta segja mér hvað er hvað. Tek mér bara það bessaleyfi að mynda mér mína eigin skoðun og hún gildir.

Alveg eins og með skoðun gangrýnenda nema að hún gildir ekki eins og mín eigin. Ekki að fullu allavega. Hún getur haft einhver áhrif gagnrýnin sér í lagi ef hún er öll á einn veg hjá öllum. Á aðsókn alltso, í báðar áttir.

Þessa dagana reyni ég af öllum mætti að missa ekki af gagnrýni Jóns Viðars. Magnaður tappi finnst mér. Greinilega stútfullur af fróðleik um fagið frá öllum hliðum. Fyrst fannst mér hann bragðdaufur og fúll en það hefur breyst. Nú finnst mér hann safaríkur og skemmtilegur og ég veit ekki hvor hefur breyst ég eða hann.

Skiptir litlu en mér finnst gaman að lesa hann. Létt önugur stundum og þorir að segja það sem honum finnst. Svo er gaman þagar hann hrífst því það er sjaldan og verður því verðmeira fyrir vikið. Virðist hundgömul sál og finnst flest betra sem liðið er fyrir löngu.

Og tilganginum er náð. Honum er að takast án þess að hafa mikið fyrir þvi að auka áhuga minn á leikhúsunum jafnvel þó hann sé helst aldrei fullsáttur. Getur það orðið betra?

Röggi.

Mótmælendur.

Frakkar eru ekki fólk sem lætur bjóða sér hvað sem er. þeir æða á götur út og gera skurk. Bændur moka kúamykju á tröppur ráðhúsa og flutningabílstjórar loka hraðbrautum. þegar þeir eru óánægðir. Og þetta vilja margir flytja inn til Íslands.

Af því að þetta sé lýðræðið í reynd. Bolurinn að mótmæla heimskum ráðamönnum og vondum. Ég efast, þó að stundum mætti samtakamáttur okkar hér vera meiri, eða hvað?

Kannski erum við bara svona harðánægð þegar öllu er á botninn hvolft. Eða erum við svo mikili einstaklingshyggjumenn að við getum ekki tekið okkur saman um að gera eitt eða neitt í sameiningu. Hver tuðar í sínu horni, grautfúll.

Er eðliegt að misstórir hópar geti sínkt og heilagt verið að beita svona aðferðum gegn valdhöfum sem hafa ekki gert neitt af sér, beinlínis? Hver segir að valdhafar megi ekki vera vitlausir. Er ólýðræðislegt að lýðræðislega valin ríksstjórn taki ákvörðun sem einhver er óánægður með?

Hvurslags hegðun er það að moka skít á tröppur ráðhúsa og loka hraðbrautum? Eiga menn ekki að berjast fyrir kjörum sínum við samningaborð og ef valdhafar brjóta lög á fólki á þá ekki að sækja rétt sinn til dómastóla?

Hvað varð um Ghandi? Þögul mótmæli. Nei nú skal það vera ofbeldi. Ráðist inn á vinnustaði og þess háttar. Svokallaðir mótmælendur hnattvæðingarinnar telja nauðsynlegt að lenda í slagsmálum við lögreglu. Get haldið áfram...

Hún er greinilega þunn línan milli þess sem einum finnst vera lýðræðislegur réttur fólks til að tjá sig og okkar hinna sem finnst full stutt í stjórnleysið.

Röggi.

Atli Gíslason og frelsi einstaklingsins.

Rokka á milli og veit oft ekki hvort ég á að dáðst að Atla Gíslasyni eða ekki. Afskaplega geðugur maður um flest að sjá og heyra. Talar rólega, næstum eins og geðlæknir, yfirvegaður.

Hann er málsvari góðra hluta svona yfirleitt þó hann sé auðvitað fárveikur af forræðishyggju þvælunni sem VG stendur fyrir. Hann er málsvari kvenna sem er öndvegis í karllægum heimi. Mannréttindi eru honum hugleikin eins og kannski öllum öðrum. Hann er svona mjúkur maður.

Hann veiðir, á flugu, og hefur ímynd hins heilbrigða manns. Fer gersamlega á hvolf þegar konur koma hingað í þeim tilgangi að dansa erótíkst fyrir stórfé. Mannsal hrópar hann þá og getur vel verið að hann hafi rétt fyrir sér í því. Feillinn er bara að trúa því að hið meinta mannsal hætti bara vegna þess að erótískur dans sé bannaður.

Eins og mannkynið, eða kvenkynið, hafi einhverntíma látið banna sér að klæmast. Menn eins og Atli ýta því vissulega undir yfirborðið en það hættir ekki. Verður bara hættulegra fyrir dömurnar því undir yfirborðinu vinna bara skúrkar.

Og nú bregður svo við að hann snýst öndverður gegn því að við reynum að komast því við landamærin okkar hverjir hér eru. Talar um lýðræði og frelsi einstaklinga. Er það bara fyrir gestina en ekki gestgjafann?

Kannski verður þróunin sú sama hér og hjá bandaríkjamönnum. Þriðju gráðu yfirheyrsla við landamærin. Af illri nauðsyn. Og hvar eiga mörkin að liggja?

Mótorhjólamenn og dansarar?

Röggi.

Körfubolti í beinni á netinu.

Við körfuboltamenn erum í fararbroddi á mörgum sviðum. Tölfræði og heimasíður voru nánast óþekkt fyrirbrigði fyrir nokkrum árum annarsstaðar en hjá körfuboltafólki.

Og við förum enn fyrir. Í kvöld eru tveir leikir í beinni útsendingu á netinu. Karfan.is verður með toppleikinn í 1 deild milli Breiðabliks og FSU. Og KR sýnir leik KR og ÍR. Auk þess held ég að KFÍ sýni alla leik fyrir vestan beint á netinu. Allt kl 19 15.

Er þetta ekki ropandi snilld?

Röggi.

Hugleiðingar um Mr Smárason.

Getur það gerst að frægasti og ríkasti verðbréfamiðlari landsins riði nú til falls? Hann virkar í það minnsta forn í skapi og fremur taugaveiklaður. Sendir frá sér tilkynningar ótt og títt um hvað hann telji að þurfi að gerast til þess að félög sem hann veðjaði á rjúki upp svo hann geti selt með hraði.

Auðvitað hljóta menn eins og hann að skulda mikið. Hvenær ætli komi að skuldadögunum. Hann skuldar kannski svo mikið að ekki er nokkur vegur annar en að þrauka og vona.

Samt er það þannig að ég hef í laumi dáðst að því hvernig hann og fleiri hafa getað kreist peninga útúr öllu og öllum. Allt verður að gulli. Þessir gaurar eru auðvitað brautryðjendur. Með óteljandi kennitölur á sínum snærum og eignarhaldsfélög mýmörg sem henta vel til að taka mesta höggið. Eru allsstaðar og hvergi. Gamli kolkrabbinn bjó ekki að svona löguðu. Þeir voru bara í tíkallabusiness.

Spennandi tímar. Kannski skiptir þetta engu máli því á krepputímum eins þá græðir annar. Og ekki ólíklegt að ef Hannes Smárason fer niður núna að þá komi bara nýr Hannes inn.

það er nú einu sinni gangurinn...

Röggi.

Bónus gerir grín að okkur.

Auðvitað hlaut að koma að því að opinberir aðilar vildu skyggnast í bókhald hjá risunum á matvörumarkaði. Og bráðhentugt að gera það í kjölfarið á mikilli umræðu um svindl og svínarí, eða þannig.

Stundum held ég að verið sé að gera kaldhæðnislegt grín að okkur neytendum þegar bónus er krónu ódýrari en krónan í hverjum vöruflokknum á fætur öðrum.

Stíft verðlagseftirlit þessara aðila á hvor öðrum hljómaði fyrst vel í mínum eyrum. Ekki lengur. Nú sýnist mér þetta fremur vera notað til þess að geta verið með nógu hátt verð en lágt. Þó krónu ódýrara! Hver græðir á þessari vitleysu? Ekki neytandinn því algerlega er vonlaust að fylgjast með því hvar er ódýrast að versla. Verðið breytist ótt og títt. það ætti að vera ólöglegt.

Guðmundur Marteinsson birtist okkur ítrekað og segir okkur að bónus hiki ekki við að lækka verðið niður fyrir innkaupsverð til þess að geta verið ódýrastir. Bíðum aðeins hér. Er þetta eðlilegt? Þjónar þetta langtímahagsmunum neytenda? Eða kannski skammtíma hagsmunum eigenda Haga eingöngu?

Er eðlilegt að langstærsti aðilinn á matvörumarkaði og sá sem hefur yfirburðastöðu segi okkur það að hann hyggist með því að misbeita aðstöðu sinni svona losa sig við hvaða samkeppni sem er? Var ekki verið að refsa flugfélagi fyrir að reyna svona kúnstir?

Við neytendur viljum samkeppni en eigendur Haga alls ekki. Það er mergur málsins. Og þeir segja okkur það hreint og beint og við erum hætt að kippa okkur upp við það!

Nú er lag, meira að segja pólítískt lag því Davíð er farinn og Ingibjörg hætt að halda varnarræður til handa þessum herramönnum í borgarnesi, að vinda ofan af þessu og stöðva einokunarverslunina hina síðari.

Gerum eins og aðrar þjóðir og komum okkur upp löggjöf sem kemur í veg fyrir að einhver geti komist í þá aðstöðu sem þessir herramenn eru í nú um stundir.

Neytendur eiga það skilið.

Röggi.

Létt skotinn í Björgvin G.

Ég er sjálfstæðismaður. Ekki af gamni mínu heldur trúi ég að ákveðin grundvallatriði og þó ég sé oft grautfúll með mína menn þá hleyp ég ekki undan. En ég er oft skotinn í fólki úr hinum liðunum.

Ég var skrambi ánægður með þegar Björgvin G varð ofar en Lúðvik í prófkjöri samfylkingar á sínum tíma. Björgvin virkar maður sannfæringar á mig en hinn er atvinnustjórnmálamaður sem hleypur upp til handa og fóta þegar hann telur einhvern liggja vel við höggi. Það er mér ekki að skapi.

Er sumsé létt skotinn í viðskiptaráðherranum okkar, stundum. Og mér sýnist hreint út sem hann sé að tileinka sér viðhorf okkar hægri manna í hverjum málaflokknum á eftir öðrum.

Stutt síðan hann fullyrti að lækkun skatta þýddi meiri skatttekjur ríkissins. Hvað ætli Steingrímur segi við því? Og nú vill hann skoða það að ríkið hætti að stunda samkeppnisrekstur við einkaaðila í fríhöfninni. Þetta er mér að skapi.

Og kannski er enn von um að upp rísi stjórnmálamenn sem kunna að láta sannfærast. Það hefur lengi verið á allra vörum að þeir menn sem skipta um skoðun séu vinglar sem ekkert er að marka.

Björgvin G er gott dæmi um annað.

Röggi.

Siðleysi Jónasar.

Hvað er hægt að segja um Jónas Garðarsson sem ekki hefur verið sagt áður? Hvernig stendur á því að maðurinn metur æruna ekki dýrar en hann virðist gera. Er hann algerlega vinalaus? Getur enginn nákominn honum komið honum í skilning um að hann er að setja ný viðmið í siðleysi?

Annars er greinilegt að það er stundun hagstætt að búa við siðleysið. Sannleikurinn er þá ekki með mönnum í liði. Sanngirni víðs fjarri og óþekkt. Reglur samdar eftir hentugleika hverju sinni. Þetta hentar mönnum eins og Jónasi prýðilega.

Hvernig geta samtök sjómanna varið það að hafa þennan mann í forsvari? Ég er almennt á þeirri skoðun að allir eigi skilið annað tækifæri en það á ekki lengur við um Jónas. Brotaviljinn er ótrúlega einbeittur. Hver man ekki eftir því þegar kallinn var tekinn með jeppann sinn sneisafullan af smygli? Man reyndar ekki hvernig tækniatriðið var sem hann notaði til þess að sleppa við refsingu sem hvert mannsbarn vissi að hann átti inni fyrir. Illar tungur segja fleiri sögur sem ég nenni ekki að hirða um. Stóru söguna þekkja allir enda nýjir kaflar birtir nú nýlega.

Hvaða hreðjatak hefur hann á þeim sem velja forsvarsmenn fyrir sjómenn? Fyrir mér er þetta hreinlega niðurlægjandi fyrir alla þá sem standa að því að vernda hann. Kjarabarátta sjómanna á betra skilið.

Jónas er búinn með sitt tækifæri, og annað tækifæri eftir það. Ekki einu sinni víst að níu líf kattarins dygðu þessum manni.

Röggi.

Eiður áfram leiðtoginn.

Eiður áfram fyrirliði. Kannski hefur hann lofað bót og betrun. Nema auðvitað að hvorki hann né KSÍ kannski við nein agabrot. Storkurinn hefur áður stungið hausnum í sandinn.

Ferguson kallinn væri fyrir löngu búinn að losa sig við svona hegðun jafnvel þó það þýddi að drengurinn hyrfi á braut. Og Ólafur losaði sig reyndar við danskan leikmann í sumar sem var með munnsöfnuð í fjölmiðlum.

það sem einkennir menn sem ná árangri í hópíþróttum er að þeir halda stíft í gömlu sannindin um að enginn leikmaður er stærri en liðið. Ef Eiður er of stór til þess að skila af sér fyrirliðabandinu þá er hann ekki að spila á réttum forsendum.

En, ég skal gefa honum séns úr því að nýjir húsbændur eru mættir. Pétur Pétursson ætti í það minnsta að geta spottað agaleysið. Hann er sterklega grunaður um að hafa fundið það upp!

Röggi.

Hvernig líta félagsmenn í al kaida út?

Heyrði í fréttum áðan að 15 liðsmenn al kaida hefðu fallið í átökum í Írak. Hvernig eru félagsmenn í þeim samtökum auðkenndir frá öðrum sem vilja vera með uppsteyt í Írak?

Eru samtökin með skrifstofu og liðsmenn einkennismerktir? Voru mennirnir kannski spurðir áður en þeir voru drepnir?

Eru kannski allir vondir menn í heiminum al kaida?

Röggi.

Þreyttur Steingrímur J

Ég skil svosem yfirleitt lítð í VG. Er í öllum grundvallaratriðum andvígur þeirra stefnu og allt í góðu með það. Hef eins og flestir lengi borið nokkra virðingu fyrir Steingrími formanni þó verulega hafi fjarað undan þeirri virðingu þegar karlinn skaut sig í fótinn eftir síðustu kosningar.

Hann virkar þreyttur og afundinn. Pikkfastur í gömlum tíma og neitar að færa sig framar. Og nú nöldrar hann yfir því hvort flugvélar sem hér munu stunda efrirlit kunni hugsanlega að bera vopn.

Er það bara ég eða er einhver að missa svefn yfir þessu? Hvernig nennir hann að gera þetta að þrasi? Þetta er angi af gömlu NATO hatri sem þarna birtist okkur. En ég held hreinlega að leitun sé að fólki sem setur sig upp á móti NATO í dag eða eftirliti í lofti með eða án vopna.

Grunar að það hljóti að fara að styttast í þessu hjá honum enda frambærlegt fólk sem bíður.

Enn um sinn...

Röggi.

Geir Ólafsson gefur út disk.

Stór dagur í Íslenskri tónlistarsögu í dag því meistari Geir Ólafsson gefur út sinn annan disk. Er með þrusuband á bakvið sig. 20 manna stórsveit sem hjálpar kallinum.

Ég hef með eindæmum gaman að drengnum. Vilji hans til að verða frægur hefur skilað honum talsverðri frægð. Ekki oft sem fólk sem vill láta kalla sig listamenn orða hlutina þannig að frægð sé málið en listin sjálf aukaatriði.

Ekki verður á móti mælt að skemmtanagildi Geirs er töluvert. Hann liggur mitt á milli Leoncie og Hallbjörns Hjartarssonar. Hefur gríðarlega gaman að sjálfum sér og það hjálpar.

Vona að mogginn fari eitthvað mildari höndum um þennan disk en hinn fyrri sem hann gaf út. Mig minnir að það hafi verið hinn orðprúði Dr Gunni sem slátraði afurðinni og fyrirögnin var eftirminnileg mjög.

"Ekki meir Geir"

Röggi.

Landssöfnun KR stendur sem hæst.

Nú stendur sem hæst árleg landssöfnun KRinga á leikmönnum í fótbolta. Merkilegt fyrirbrigði sem brestur á á hausti hverju og þá venjulega eftir dapurt gengi sumarið á undan.

Þó er það ekki algilt því þessi söfnunarárátta getur líka orðið all heiftarleg þó vel hafi gengið. Hver kannast ekki við myndir af forráðamönnum KR glaðbeittum á mynd með nýjum liðsmanni sem heldur því fram að nú sé hann kominn heim?

Aðstaðan sé svo góð og þjálfararnir líka. það stendur svosem heima en auðvitað snýst þetta um aura og fátt annað, oftast. það væri að æra óstöðugan að telja upp alla þá afburðaleikmenn sem KR hefur keypt undanfarin ár og breytt í meðalmenn á svipstundu.

Vandi KR virðist alls ekki liggja í þunnum og slökum leikmannahóp. Þar er hver stórstjarnan á fætur annarri. Ég hef ekki lausnina frekar en aðrir en vonandi hressist Eyjólfur því fremur er dapurt að horfa uppá stórveldið lufsast þetta í neðri helmingnum með hvern milljóna drenginn á fætur öðrum í sínum röðum.

Röggi.

Hver getur misskilið Þórhall?

Páll Magnússon útvarpsstjóri er gersamlega búinn að gleyma því hvernig var að reyna að vera í samkeppni við rúv. Auglýsingar og afnotagjöld auk fjárframlaga frá ríkinu tryggðu yfirburðaaðstöðu. Og það sveið.

Og svíður enn. Þórhallur talar um misskilning. Hvað er hægt að misskilja hér? Bankamaðurinn setur peninga í verkefni skilyrt. Og skilyrðin eru hver?

Útúrsnúngar og orðhengilsháttur til að komast hjá því að kalla þetta kostun því það er bundið í reglur hver hún má vera, hlutfallslega.

Kannski ekki að marka mig því ég hef áunnið ofnæmi fyrir einokun og yfirgangi ríkisfyrirtækja gegn þeim sem burðast við að standa í samkeppni við ofureflið.

Vonandi er þetta ólöglegt því siðlaust er það.

Röggi.

Nýr staður-ný stund.

Þá er ég kominn hingað. Sem er gleðiefni í sjálfu sér. Kveð Moggabloggið og finnst næstum eins og ég sé að kveðja einhvern nákominn. Þar byrjaði ég að skrifa eftir fjölmörg ritlaus ár.


Og held því áfram hér....

Röggi